ကိုယ်ကိုအပြစ်တင်ရဖို့လား သများကိုရာ အပြစ်တင်ရဖို့လားမသိဗျလ် ၊ ရခိုင်ကျောင်းသားဘလောမာ ရွီးထားလိုက်ကတ်တေပိုစ့်တိက အားလုံးရခိုင် စကားနဲရခိုင်စာနဲဆိုရေခါ ၊ ကပ္ပိယသာချို ပြန်ကြည့် မိရေ အချိန်ကျမသိလိုက်ရရေ ၊ ဇာပိုင်ဘင်ပြောပြော စည်းကမ်းချက်တစ်ခုလည်းရွီးမထားဘဲ နှင့် ကိုယ့်အသိစိတ် နှင့် ကိုယ် ရခိုင်ပိုင်းရွီးနီးဂတ်စွာကိုတွိလိုက်ရရေခါ ။ ကျွန်တော်စိတ်ထဲမှာ ခံစားလိုက်မိစွာက ရခိုင်စာပီး ရှင်သန်းလာဗျလ် ဆိုစွာကိုပါ ၊ ရခိုင်တိကိုယ့်စကားကိုယ်စာကိုတန်းဖို့ထားနီသမျှကာလပတ်လုံး ကမ္ဘာမာ ရခိုင်လူမျိုးဆိုစွာလည်းဗျောက်ကွယ်လားစရာအကြောင်းမဟိန့်ပါ ၊
ကမ္ဘာမာဘာသာပေါင်းမြောက်များစွာ ဟိန့်ဂတ်ကေလေ့ တိုးတက်နီးရေ တိုင်းပြည်တိုင်းမာ ကိုယ့်ဘာသာ ကိုယ်စကားကိုရာအလေးအနက်ထားပနာအသုံးပြုဂတ်စွာကိုတွိဂတ်ရပါဖို့ ထိုင်းနိုင်ငံရို့မာဆိုကေ ဘုရင်ကိုယ်တိုင်က မိမိရို့ဘာသာစကားကိုအသုံးပြုဖို့အားပီးထားစွာကို တွိရပါရေ ယေဂေဒေနိန့် ရခိုင်တိ ရခိုင်ပိုင်ပြောဆိုရွီးသားနီးဂတ်စွာတိရေ ရခိုင်အသိုင်းအ၀ိုင်းအတွက် တိုးတက်တေ အသိအမြင် သစ်တိကို ပိုင်းဆိုင်လာဂတ် ဗျလ် လို့မှတ်ချ ချနိုင်ပါရေ ၊ တစ်ချို့ဗမာစကားနဲ့ပြောရစွာကို အရသာတွိရေ ပိုင်တစ်ချို့ကလည်း ဗမာစကားကို အသုံးများလို့ ဗမာပိုင်းပြောနီးရေ ရွီးနီးရေ ရခိုင်တစ်ချို့လေ့ ရှိဂတ်ပါဖို့ ယင်းချင့်ရေ အပြစ်တစ်ခုမဟုတ် ပါ ဇာသူပင်မဆို အနီများရေ ဒေသကိုလိုက်ပနာ ပြောဆိုရွီးသားမိဂတ်ဖို့စွာရာ ယေဂေလေ့ ယင်းပုဂ္ဂိုလ် တိအချိန်ကျကေ ပြုပြင်ပနာပြောဆိုရွီးသားလာဂတ်လိမ့်မယ် ၊ ရခိုင်စကားရခိုင်စာ တစ်ခုကိုရွီးနီလို့ ရခိုင်အမျိုးချစ်ပုဂ္ဂိုလ် တစ်ဖြစ်တယ်လို့ပြောလို့မရရေပိုင် ဗမာစကားပြော ဗမာပိုင်ရွီးနီးလို့လည်း အမျိုးသားစိတ် မရှိလို့သတ်မှတ်ဖို့ မဖြစ်နိုင်ပါ ၊ ကျွန်တော်ဖတ်ဖူးရေစာအုပ်တစ်အုပ်မာရွီးထားစွာက သူရဲကောင်းဆိုစွာအရဲအကြောင်းကျလာရေခါ ငါးမိနစ်လောက် အမှန်တရားဖက်က ရပ်တည်ပီးလိုက်စွာ ရာ ။
အခုလည်း လူတိုင်းလူတိုင်းမျိုးချစ်ပုဂ္ဂိုလ်တိပါရာ ယေဒါလည်း အရေးအကြောင်းကျလာရေအခါ အမျိုးသားရေးအတွက် ငါးမိနစ်လောက် ကိုယ့်လူမျိုးအတွက် ရပ်တည်ပီးလိုက်ကေအားလုံး မျိုးချစ်ပိုဂ္ဂိုလ် ဖြစ်လားဂတ်ဖို့စွာပါရာ။
ကိုယ်တွိအဖြစ်အပျက်ချေတစ်ခုကိုအခြေခံပနာရွီးသားထားစွာပါရာ အရေးအကြောင်းကျလာဂေရခိုင်သာတိ ငါးမိနစ်လောက် အမျိုးသားရေးစိတ်ရှိဂတ်ဖို့ တိုက်တွန်းပါရေး ။
ရခိုင်စကားပြောတိုင်း ရခိုင်အမျိုးချစ်လား
Subscribe to:
Post Comments (Atom)
No comments:
Post a Comment