”ကျိန်စာသင့်သော ဒီဇင်ဘာ တစ်ည”

အမှန်ဆိုကေ ယင်းညစွာ
မြပုလဲတိနဲ့တူရေ နှင်းမြူတိ၏
ပျော်ရွှင်ခြင်း၊ မြူးကြွခြင်း၊
ပွေ့ဖက် နမ်းရှိုက်ခြင်းနန့်အတူ
အချစ်တေးသံသာတိကို
စီစီရီရီ ခင်းကျင်းထားပြီး
သိုသိုသိပ်သိပ် မြူးမြူးကြွကြွ
လှလှပပ ရွှ့င်ရွှင်မြမြ လှပနီခစွာ။

မင်္ဂလာ အပေါင်းနဲ့ ပြည့်စုံစီဖို့
အဟောင်းတိကို မောင်းထုတ်ရင်း
အသစ်သစ်တိကို ထွီးပိုက်ကြိုဆိုဖို့
ထွန်းညှိထားရေ ခရစ္စမ မီးချူးမီးတန်းတိအောက်
တောင်ဝင်သဇင်တ်ိနန့် အတူ
သစ်ခွ၊ ခွါညို ၊ ခရေအစ ပန်းပေါင်းသိန်းသန်းမက
မြူးကြွ ခုန်ပေါက်ရင်း ဝီဆာစွာ ဖူးပွင့်နီခဂတ်စွာ။

သို့ပေသိ….
အမှောင်ဆိုစွာ အမှားကို ကျူးလွန်ဖို့
အကောင်းဆုံးအချိန်လို့ ယူဆခဂတ်တေ
ငရဲသားတစ်ချို့၏ လူမဆန်စွာ
ရက်စက် ကြမ်းကြုတ်မူအောက်မှာ
သဇင်၊ သစ်ခွ၊ ခွါညို ၊ ခရေ ခရစ္စမ
မီးရှုး မီးတန်းအစ ကြယ်စင်ချေတိ၏
ဝိညာဉ်တိ…. ဝိညာဉ်တိ…..ဝိညာဉ်တိ
လူသူမသိ၊ လက်ကမ်း ကူမဲ့လူမဟိ၊
တဖြုတ်ဖြုတ်နန့် အခြွီခံခရစွာ
ယင်းညယေ….တော်ဝင်သဇင်ရို့၏
ဝိညာဉ်လောကထဲမှာ ကျိန်စာသင့်ရေ
ဒီဇင်ဘာည အဖြစ် ကမ္ဗည်းထိုးခံခရစွာ။

အားလုံးကို ချစ်ခင်လေးစားလျက်..

ထွန်းလင်းခိုင်...

၁၇.၁၂.၂၀၀၉

No comments:

Post a Comment