ဤ Websiteသည် ရခိုင်ကျောင်းသားရဟန်းတော်များအဖွဲ့၏ တရားဝင်website တစ်ခုဖြစ်ပါသည်။ It is an official website of Arakan Student Monks Association (A.S.M.A), Thailand.

Sunday, August 15, 2010

တာဝန်

Posted by thadawa  |  No comments

အဝေး …..သူငယ်ချင်း
မင်းလေ့ရခိုင် ငါလေ့ရခိုင်
မျိုးရခိုင်လို့ ပါးဇကနီ
တစ်ဝီ၀ီနန့်
ခေါ်နိန်ခကတ်တေ ငါရို့တိလေ။

အဂုအခါမှာ..
မင်းကတစ်နိန်ရာ ငါကတစ်ခြား
နယ်မြီကခြား ရီကခြားလို့
ရောက်နိန်ကတ်တေ ငရို့တိလေ။

ရခိုင်အသံ စာရွီးမှန်ကို
မင်လည်းမကြံ ငါလည်းမဖတ်
သူကလည်းမရွီး အသီးသီးကေ
ဇာသူလာလို့ ဖတ်,ရွီး ဖို့လဲ။


ယေကေဇာခါ ယင်းစာပီမှာ
ရှေ့ကိုတိုးဖို့ မဆိုထားကေ့
မင်းနန့်ငါရို့ ရှိမှောက်မှာဝယ်
ပျောက်ကွယ်ဖို့ခါ နီးနိန်ပါဗျာလ်။

ယေကေဇာခါ နောက်လာသူရို့
ဇာမှာလဲ ငါ့ရို့စာဆိုပနာ
ရှိကလူတိကို ညံရေဆိုပနာ
အပြစ်တိဂါ မမြင်သင့်လား။

အပြစ်မမြင်စီချင် ယင်းသူရို့အထင်ကို
ငရို့မှာအဘိဓာန် မဟိကေလည်း
ငရို့လီသံ စာကြောင်းမှန်ကို
ရွီးပနာထားခ ပြသခကေ
နောက်လာနောင်သား မျိုးဆက်များရို့
သတိချေရာ ၀င်ခပါကေ
ငရို့တိအတွက် ရနံ့ကြိုင်သင်း
ဂုဏ်သတင်းကောင်း ဖြစ်လောက်တေဝေ။

နောင်လာနောက်လူ ရခိုင်သူရို့
သတ်ပုံပြောင်းပြန် စာပီသံကို
သူရို့ခံစား မြင်ဖန်များကေ
“ဒေမှာဒေဝေး ငရို့စာဒေ”လို့
ယင်းပိုင်အားမာန် မြည်ဟီးသံနန့်
ဂုဏ်ယူပနာ ပြောနိုင်လီအောင်
ငရို့ရွီးထား, ဖတ်ထား သင့်ရေ...။

..........................

မှတ်ချက်။ ဒေစာရေ ဇာသူတစ်ယောက်ကိုလည်းအပြစ်မြင်လို့ရွီးသားခြင်းမဟုတ်ပါ။
ခံယူချက်နန့်ဆန္ဒကိုရှိတန်းတင်ဗျာလ်ရွီးလိုက်ရခြင်းရာဖြစ်ပါရေ။

10:47 PM Share:
ပြန်ကြားရေးတာဝန်ခံ

Postတင်ခြင်းပတ်သက်ပြီး အကြံပြုခြင်း၊Postပေးပို့ခြင်း၊ ဆွေးနွေးလိုခြင်း ရှိလာပါက အောက်က Messenger ကနေပေးပို့နိုင်ပါတယ်။ Messenger

0 မှတ်ချက်တိ:

ကြည့်ရှူမူ ပမာဏ

ဆက်သွယ်ရန်

Name

Email *

Message *

မကြာသေးမှီမှတ်တမ်း

နှစ်စဉ်အလိုက်မှတ်တမ်း

© 2018 A.S.M.A. Thailand Ayuttaya
.
back to top