(1)ဘာသာရေး ရီစီးကြောင်းအစနှင့် ဗုဒ္ဓဘာသာ

ဘာသာရေး ပေါ်ပေါက်လာပုံ၊ဘာသာရေးရီစီးကြောင်းနှင့်အဆင့်ဆင့်ပြောင်းလဲလာပုံ သမိုင်းနောက်ခံ တိကိုလေ့လာကြည့်ရေ အချက်အလက်ချေတိအရ ကမ္ဘာဦးကာလက လူသားတိစွာ သဘာဝဘေးအန္တရာယ်ကြောင့်ဖြစ်သော ကြောက်ရွံမှု၊ တခြားသော တောကောင် သတ္တ၀ါကြီးတိကြောင့်ဖြစ်သော ကြောက်ရွံမှုစသည်များမှ
သက်သာရာရစိမ့်သောငှာ မိမိရို့စိတ်ထင်ရာ သစ်ပင်၊ တောတောင်အစဟိရေအရာတိကို တိုင်တည်ခြင်း၊
ပူဇော်ပသခြင်းဖြင့် အစပြု၍ ဘာသာရေးဟူသောအယူအဆသည် လူသားတိကြားတွင် ယုံကြည်မှုတခုဖြစ်လာသည်။

ထို့ကြောင့် ကမ္ဘာဦးကာလက ဘာသာရေးဟူသည် "ကြောက်ရွံမှုတိကိုဖယ်ယှားခြင်း၊ စိတ်သက်သာရာရစီခြင်း" တည်းဟူသော သာမညအဓိပ္ပါယ်ကိုကောက်ယူနိုင်ပါသည်။ 
လူ့ဘောင်လူ့လောကတခုကိုသာယာလှပအောင်ဖန်တီးပီးနိုင်ဖို့အတွက်
လူ့ကျင့်ဝတ်(ethic)တိ မပါဝင်ခပါ။ ယကေလည်း ခေတ်ကာလရီစီးကြောင်း တဖြည်းဖြည်းပြောင်းလဲလာမှုတိနှင့်အတူ ဘာသာရေးဟူသည် လူတိ၏ နိန့်စဉ်ဘ၀တိနှင့်ဆက်စပ်မှုဟိလာသည်။ လူသားတိ၏နိန့်စဉ်ဘ၀မှာ လိုက်နာကျင့်သုံးရဖို့ လူ့ကျင့်ဝတ် (ethic) အဖြစ်သို့ ပြောင်းလဲလာသည်။ လူတစ်ယောက်ဇာ ဖြစ်ကေ ဇာပိုင်လုပ်ရဖို့၊ ဇာပိုင်စည်းကမ်းတိကိုလိုက်နာကျင့်သုံးရဖို့စရေ ဘာသာရေးစည်းကမ်းတိစွာလည်း လူ့ပတ်ဝန်ကျင်အသိုင်းအ၀ိုင်းတိကြားမှာလွှမ်းမိုးလာသည်၊ယင်းဘာသာရေးကျင့်ဝတ်စည်းကမ်းတိကလည်း လူ့ပတ်ဝန်ကျင်အသိုင်းအ၀ိုင်းတိကိုပြောင်းလဲတော်လှန်လာသည်။ ၄င်းအပြင် ဘာသာရေးကိုထူထောင်သော ဘာသာရေးဆရာတိအတွက်လည်း အသက်မွီးဝမ်းကြောင်းပြုရာ
အရာဌာနတခုဖြစ်လာသည်။ အိန္ဒယနိုင်ငံတွင် ဗုဒ္ဓမပွင့်ပေါ်မီကာလက ဘာသာရေးအခြေအနေများသည် ကကောင်းရှုပ်ထွီးပြီး လူ့လောကလူ့ပတ်ဝန်ကျင်တိအပေါ်မှာလည်း သြဇာလွှမ်းမိုးမှုကြီးမားခသည်။ လူ့ကျင့်ဝတ်(ethic)များနှင့်ဘာသာရေးကို တခုတည်းပေါင်းစပ်ကာ
ကမ္ဘာဦးကာလတုန်းကပိုင် ကြောက်ရွံမှုတိဖယ်ယှားဖို့အတွက် ပူဇော်ပသခြင်း၊ တိုင်တည်ခြင်းမျိုးတိမဟုတ်ပဲ
"လူ့ကျင့်ဝတ်တရား (၀ါ)ကိုယ်ကျင့်အဘိဓမ္မာ နှင့် ဆင်းရဲဒုက္ခအပေါင်းမှလွတ်မြောက်ရာ
သစ္စာလမ်းကိုယှာဖွီခြင်းတည်းဟူသော သိမ်မွေ့နက်နဲ့သည့်အဓိပ္ပါယ်ကိုဆောင်လာသည်။

အိန္ဒိယနိုင်ငံ၊ မဇ္ဈိမဒေသ၊ သက္ကတိုင်း၊ ကပိလ၀တ်ပြည့်ရှင် ဘုရင်သုဒ္ဓေါဓန မင်းကြီးနှင့်
သိရီမဟာမာယာဒေ၀ီမိဘုရားကြီးရို့မှ မဟာသက္ကရာဇ် ၁၀၃ခုနှစ်၊ ကဆုန်လပြည့်၊ သောကြာနေ့တွင်
The founder of Buddhism ဖြစ်သော မြတ်ဗုဒ္ဓကိုဖွားမြင်တော်မူခသည်။ မြတ်ဗုဒ္ဓဖွားမြင်တော်မူသော
အချိန်ကာလတွင် အိန္ဒိယနိုင်ငံ မဇ္ဒျိမဒေသ၌ ဆင်းရဲဒုက္ခအပေါင်းမှလွတ်မြောက်မှု သစ္စာတရားတိနှင့်ပတ်သတ်၍
ဝါဒပေါင်းများစွာပေါ်ပေါက်လျှက်ဟိသည်။ (ထိုခေတ်ကာလကပေါ်ပေါက်လျှက်ဟိခသော ၀ါဒပေါင်း ၆၂ပါးကို သုတ္တန်ပိဋက၊ ဒီဃနိကာယ်၊
ဗြဟ္မာဇာလသုတ်တွင်လေ့လာနိုင်ပါသည်။) ယင်းသို့သစ္စာတရားကိုရှာဖွီတွိ့ဟိရေးနှင့်ပတ်သတ်၍
ဘာသာရေးခေါင်းဆောင် ပညာရှင်တိသည်လက်ဟိအခြေအနေကိုမကျေနပ်၍ ယောက်ယက်ခတ်မျှကြိုးပမ်းနေကြရေချိန်တွင်
မြတ်ဗုဒ္ဓကိုမွီးဖွား၍ ဗုဒ္ဓ၀ါဒဟူ၍ ကမ္ဘာတွင်ပေါ်ပေါက်လာခြင်းဖြစ်သည်။ ဗုဒ္ဓ၀ါဒသည် အနတ္တ၀ါဒအပေါ်တွင်
အခြီတည်ထား၍
အနှစ်သာရအားဖြင့်သီလ၊ သမာဓီ၊ ပညာဟူ၍ သိက္ခာသုံးပါး နောက်ဆုံးပန်းတိုင်အားဖြင့် နိဗ္ဗာန်ဖြစ်၏။ အတ္တ၀ါဒ၊ အတ္တ၀ါဒီများသာ လွှမ်းမိုး၍သြဇာအင်အားကောင်သော
ယင်းခေတ်ယင်းကာလတွင် ဗုဒ္ဓဘာသာပေါ်ထွက်လာခြင်းသည် ပတ္တမြားမှန်ကေ ညွှန်မနစ်ဆိုရေပိုင် လောကကြီး၏ငြိမ်းချမ်းမှု အီးမြမှုသင်္ကေတ ( The peaceful Doctrine of the World) ဟုဆိုရလျှင်လည်း ဆိုစမှတ်ပြုလောက်ကတ်ဖို့ထင်ပါ၏။
မဆုံးသိမ့်ပါ..ဆက်ဖို့ဟိသိမ့်ပါရေ.
Share on Google Plus

About အသျှင်ရေ၀တ

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 မှတ်ချက်တိ:

Post a Comment