(2)ဗုဒ္ဓဘာသာ၏တန်ဖိုး နှင့် ဗုဒ္ဓဘာသာဝင်ဖြစ်ရခြင်း၏ တန်ဖိုး

တန်ဖိုးဆိုစွာ အရာဝတ္ထုတခု၏အဓိပ္ပါယ် အနှစ်သာရ တန်ဖိုးကိုသေသေချာချာနားလည်သိတတ်မှု သဘောပေါ်ကျွမ်းကျင်မှုအပေါ်မူတည်ပြီး တန်ဖိုးအမျိုးမျိုးကွဲပြားခြား၏။ သာဓကတခုပြောရကေ တောရွာလေးတရွာမှာ ယာလုပ်နိန်ရေ ယာသမားတစ်ယောက်စွာ
တနိန့်မမျှော်လင့်ပဲ ယာတောထဲက ကျောက်စိမ်းပတ္တမြားတလုံးကိုကောက်ရသည်။ သူစွာ ယင်းကျောက်စိမ်းတုံးကို
မြို့တက်ပြီးကျောက်ပွဲစားပါးမှာ ဒင်္ဂါးငါးသိန်းနဲ့ရောင်းလိုက်၏။ ကျောက်ပွဲစားကလည်း ကျောက်ကုန်သည်တစ်ယောက်ပါးသို့
ဒင်္ဂါးသိန်းငါးဆယ်နဲ့ပြန်ရောင်းလိုက်၏။ သူရို့ထက် ကျောက်စိမ်းတုံး၏တန်ဖိုးအရည်အသွီးကိုပိုနားလည်သဘောပေါက်ဒေ
ကျောက်ကုန်သည်ကတဘက်နိုင်ငံက ကျောက်ကုန်သည်ပါးကို ဒင်္ဂါးသိန်းငါးရာနဲ့ပြန်ရောင်းလိုက်၏။
ဒေသာဓကကိုကြည့်ခြင်းအားဖြင့် အရာဝတ္ထုတခု၏တန်ဖိုးဆိုစွာ ယင်းအရာဝတ္ထု၏တန်ဖိုး အနှစ်သာရကိုအသေအချာနားလည်သဘောပေါက်မှုကျွမ်းကျင်လိမ်မာမှုအပေါ်မူတည်ပြီး
တန်ဖိုးအမျိုးမျိုးကွဲပြားခြားနားသည်ကိုတွိ့နိုင်၏။ ကျောက်စိမ်းပတ္တမြား၏တန်ဖိုးကို
ငါးသိန်းလောက်ပဲသိရေယာသမားက ငါးသိန်းပဲရသည်။ သိန်းငါးဆယ်တန်ဖိုးကိုသိရေ ကျောက်ပွဲစားက
သိန်းငါးဆယ်ရသည်။ သိန်းငါးရာလောက်တန်ဖိုးသိရေ ကျောက်ပွဲစားကသိန်းငါးရာရသည်။ သူရို့ထက်ကျောက်စိမ်းတုံး၏တန်ဖိုးကို
ပိုနားလည်သဘောပေါက်ရေ တဘက်နိုင်ငံက ကျောက်ပွဲစားက သိန်းငါးရာမက သိန်းတစ်ထောင်၊ သိန်းတစ်သောင်းလည်းရနိုင်၏။

ယင်းပိုင်း ဗုဒ္ဓဘာသာ၏တန်ဖိုးဆိုစွာ တန်ဖိုးကိုနားလည်သိတတ်ရေလူ၊ သဘောပေါက်ကျွမ်းကျင်ရေ
ပညာရှင်ရို့အတွက် တန်ဖိုးမဖြတ်နိုင်ရေ ပြည်တန်ပတ္တမြားနှင့်အလားတူ၏။ ယကေလည်း အခုခေတ်ဗုဒ္ဓဘာသာနိုင်ငံအများစုမှ
ဗုဒ္ဓဘာသာဝင်များသည် ရတနာသုံးပါး၏ဂုဏ်ကျေးဇူး၊ ဗုဒ္ဓဘာသာ၏အနှစ်သာရတရားတော်များကိုအသေအချာမသိနားမလည်ကြပဲ
မိရိုးဖလာဗုဒ္ဓဘာသာဝင်များဖြစ်သည်ကိုအများဆုံးတွေ့ရ၏။ ကျွန်ုပ်ကိုယ်တိုင်းလည်းအပါအ၀င်ဖြစ်၏။


ကျွန်ုပ်၏ဗုဒ္ဓဘာသာအပေါ်နားလည်သဘောပေါက်မှုအထင်ကြီးလေးစားမှုသည် ကျောက်ပွဲစား၏ကျောက်စိမ်းတုံးကိုနားလည်ဘောပေါက်စွာထက် ပိုလွန်မည်မဟုတ်ပါ။ ယကေလည်း ကျွန်ုပ်သိသလောက် နားလည်သဘောပေါက်သလောက်ကို ဗုဒ္ဓဘာသာဝင်များဖြစ်ကြသောညီအစ်ကိုမောင်နှမများနှင့် ဗုဒ္ဓဘာသာကိုစိတ်ဝင်စားကြသောတခြားလေ့လာလိုသူရို့ကို
ကြွားဝါခြင်းကင်း၍ ဖြူစင်ရိုးသားရေ နှလုံးသားချေဖြင့် မျှဝေခြင်းဖြစ်ပါ၏။ ကျွန်ုပ်ထက်ဗုဒ္ဓဘာသာ၏တန်ဖိုးကိုပိုနားလည်သဘောပေါက်သော
ပညာရှင်များအနေဖြင့် ဤစာစောင်ကိုဖတ်မိ၍ လိုအပ်ချက်တိတွိ့လျှင်လည်းဖြည့်စွက်ပြင်ဆင်ပီးဖို့မျှော်လင့်ပါ၏။ တခါတရံတွင်
ကျွန်ုပ်တို့ဗုဒ္ဓဘာသာဝင်အများစုသည် မိမိရို့လက်ထဲမှာဟိရေ အဖိုးများစွာထိုက်တန်သောပတ္တမြားရတနာကိုပိုင်ဆိုင်နေရပါသော်လည်း
ပတ္တမြားရဲ့တန်ဖိုး အနှစ်သာရကိုသေသေချာချာမသိနားမလည်ရေ ယာလုပ်သမားပိုင်ဖြစ်နိန်သည်။
ဘာသာခြားအချို့ကပြောကတ်သည်။ ဗုဒ္ဓဘာသာရဲ့လမ်းစဉ်စွာ ဒေလောက်ထိယာကောင်းနိန်၊မှန်နိန်ကေ
ဒေနေ့ကမ္ဘာမှာဇာကြောင့်ဗုဒ္ဓဘာသာနိုင်ငံအချို့စွာ ဆင်းရဲမွဲတေပြီး မတိုးတက်ကတ်စွာလဲ။
မှန်ပါသည်။ ဒေချင့်စွာ မိန်းသင့်မိန်းထိုက်ရေ မေးခွန်းဖြစ်၏။ ဗုဒ္ဓဘာသာနိုင်ငံအချို့
မတိုးတက်ခြင်း၏ အဓိကအကြောင်းတိစွာ ဗုဒ္ဓဘာသာဝင်အများစုသည် ဘာသာရေးနှင့်စီးပွားရေးပေါ်လစီကို
ရောထွိးပြီး စဉ်းစားကတ်လို့ပင်ဖြစ်၏။ မစဉ်းစားရဟု မဆိုလိုပါ။ စဉ်းစားရပါမည်။ ယကေလည်း ယင်းနှစ်ခုကြားမှာဟိရေ ကွာခြားချက်မူဝါဒကိုနားလည်သဘောပေါက်ဖို့လိုပါမည်။
ဘုရားခေတ်တုန်းကလည်း အနာထပိတ်၊ ၀ိသာခါ၊ ကောသလမင်းကြီးရို့အစဟိရေ သဋ္ဌေးကြီးတိ၊ မယားအယောက်နှစ်ဆယ်ကျော်၊
သုံးဆယ်နီးပါးလောက်ယူပြီးကေ ကာမဂုဏ်စည်းစိမ်းခံစားနိန်ကတ်ဒေ ဘုရင်တိလည်းအများကြီးဟိခသည်။
သူရို့က ဘာသာရေးနှင့် စီးပွားရေးကြားမှာထားဟိရဖို့ ပေါ်လစီမူဝါဒကို နားလည်သဘောပေါက်ကတ်သည်။
စီးပွားရေးလုပ်ရေအခါ စီးပွားရေးလုပ်ရေမူဝါဒ၊ ဘာသာရေးကို ကိုးကွယ်ရေအခါမှာလည်း ဘာသာရေးကို
ကိုးကွယ်ရေမူဝါဒနှင့်အညီ စစ်မှန်ရေယုံကြည်မှုသဒ္ဓါတရားတိနန့် ကိုးကွယ်ခကတ်သည်။ ဒေနေရာမှာ
ကျွန်ုပ်ကိုယ်တွိ့တခုကို တင်ပြလိုပါ၏။ တခါကရခိုင်ပြည်စစ်တွေဘက်မှာ ငါးဖမ်းရေအလုပ်ဖြင့်
အောင်မြင်မှုရနိန်ရေ လူတစ်ယောက်နန့် ရန်ကုန်မှာဆုံဖြစ်ကတ်သည်။ ဆုံတွိ့ကေ ကိုယ့်ရခိုင်သားအချင်းချင်းဖြစ်လို့
ဟိုအကြာင်းဒေအကြောင်ချေတိကိုပြောဖြစ်ကတ်ယင်း
စကားစပ်မိလို့မိန်းရေအခါ သူအခုရန်ကုန်သို့ ကုန်တင်ကားကြီးတစီးနန့် Express ကားကြီးနှစ်စီးလောက်ဝယ်ဖို့လာရေလို့
ပြောပြပါ၏။ ယေခါ ကျွန်ုပ်သူ့ကို ပြန်မိန်းမိသည်။ “တကာ..ကားဝယ်ဖို့စွာတော့ ဟုတ်ပါယင့်။
ယကေ ကားလုပ်ငန်းနန့် အသက်မွီးဝမ်းကျောင်းပြုဖို့ဆိုကေ ကားပစ္စည်းတိအကြာင်းကို အစီချေလောက်သိထားဖို့လိုအပ်ဒေ။
ကားနန့်ပတ်သတ်ပြီး ဇာလောက်သိထားလဲ၊နားလည်ထားလဲ။” သူကပြန်ပြောသည်။ “တခုလည်းမသိပါ..ဦးဇင်းချေ။
မယားနန့်အမျိုးတိက အခုလက်ဟိလုပ်နိန်ရေ ရီလုပ်ငန်းစွာအကုသိုလ်အလုပ်ဖြစ်လို့မကောင်းဆိုပြီးကေ
ဒေကားလုပ်ငန်းသို့ပြောင်းခိုင်းနိန်ပါရေ။ တပည့်တော်လည်း ကိုယ်မကျွမ်းကျင်ရေ အလုပ်တခုကို
ဇာကစလို့ လုပ်ရကိုင်ရဖို့မှန်းမသိဖြစ်နိန်ပါရေ ဦးဇင်းချေ။” ကျွန်ုပ်ကလည်း “တကာ စီးပွားရေးလုပ်တေခါ
အမြတ်အစွန်းများများရရေ၊ ဒေထက်မကခိုင်မာရေ စီးပွားရေး Network တခုကိုထူထောင်နိုင်ရေးအစဟိရေ
စီးပွားရေးပေါ်လစီမူဝါဒနန့် အညီလုပ်ရပါဖို့။ ယင်းပိုင်းဆိုကေ ကိုယ်မကျွမ်းကျင်ရေ၊ ကိုယ်နန့်တစိမ်းသက်သက်ဖြစ်နိန်ရေ
လုပ်ငန်းတခုမှာဒင်္ဂါးသိန်းပေါင်းမြောက်များစွာ ရင်းနှီးမြုပ်နှံလို့ စလုပ်နိန်ရဖို့အစား
အခုလက်ဟိအောင်မြင်နိန်ရေ ရီလုပ်ငန်းတိကိုတိုးချဲ့ပနာလုပ်ဖို့ ဆိုကေ ဒေထက်မကအများကြီးမျှော်လင့်လို့ရပါရေ။
အောင်မြင်ကြီးပွားလာရေအခါမှာလည်း လူမှုးရေလုပ်ငန်းတိကို တကာ အများကြီးလုပ်လို့ရပါရေ။
ဥပမာအားဖြင့်..မိဘမဟိရေ အချေတိအတွက် နိန်းရာထိုင်းခင်တိ၊ စာသင်ကျောင်းတိ၊ နိမ့်ကျရေတောရွာတောဘက်ချေတိမှာ
စာသင်ကျောင်းတိ၊ မြို့ထဲ ရပ်ကွက်ထဲတိမှာ လမ်းဟောင်း၊လမ်းပျက်တိကို ပြုပြင်စွာတိ တည်ဆောက်စွာတိအစဟိစွာတိကို
အများကြီးလုပ်လို့ရပါရေ။ ယင်းပိုင်းဆိုကေ တကာလုပ်နိန်ရေအလုပ်စွာ အကုသိုလ်အလုပ်ယာလို့ပြောလို့ရဖို့သိမ့်လား။” ကျွန်ုပ်ယင်းပိုင်း ပြောလိုက်စွာကို သူကကောင်းသဘောကျပြီးကေ
ကားမ၀ယ်ခပဲ အခုလက်ဟိလုပ်နိန်ရေ ရီလုပ်ငန်းကိုဆက်လုပ်ဖို့ စစ်တွေကိုပြန်ခသည်။ ဒေပိုင်စွာတိကို
ကြည့်ခြင်းအားဖြင့် ကျွန်ုပ်ရို့ ဗုဒ္ဓဘာသာဝင်ရို့၏နှလုံးသားထဲတွင် စီးပွားရေးနှင့်ပတ်သတ်၍
ဘာသာရေး၏သြဇာသက်ရောက်မှုသည် ဇာလောက်ထိ စိမ့်ဝင်နိန်ရေ၊ အမြစ်တွယ်နိန်လဲဆိုစွာ သိသာလှပါ၏။
အမှန်ကဤအကြောင်းအရာသည် အခုကျွန်ုပ်ဆွေးနွေးတင်ပြလိုသော ခေါင်းစဉ်နဲ့မည်သို့မျှ မဆက်ဆိုင်ပါ။
ယကေလည်း စကားလမ်းကြောင်းကြုံ၍ အကြံပြုဆွေးနွေးတင်ပြခြင်းဖြစ်ပါ၏။


ဆက်ရန်ဟိပါသိမ့်ရေ..

No comments:

Post a Comment