ဤ Websiteသည် ရခိုင်ကျောင်းသားရဟန်းတော်များအဖွဲ့၏ တရားဝင်website တစ်ခုဖြစ်ပါသည်။ It is an official website of Arakan Student Monks Association (A.S.M.A), Thailand.

ပထမအကြိမ်အဖြစ် သိန်းသုံးဆယ်နှင့်ညီမျှသော အကူအညီများပေးအပ်

ဂီရိမုန်တိုင်း လေဘေး ဒုက္ခသည်များ ကူညီထောက်ပံ့ရေး ကော်မတီ (ထိုင်း) မှ ကျပ်ငွေ သိန်းသုံးဆယ်နှင့်ညီမျှသော ဆန်နှင့် ဓနိအစရှိသော အခြားအကူုအညီများကို ပထမအသုတ်အဖြစ် ပေးအပ်လှူဒါန်း။ အောက်တိုဘာလ ၂၂ ရက်နေ့တွင် category 4 အင်အားဖြင့်၊ ရခိုင်ပြည်နယ်အား ဝင်ရောက်တိုက်ခတ်ခဲ့သော ဆိုင်ကလုံးမုန်းတိုင်းဂီရိသည်၊ ကျောက်ဖြူ၊ မြေပုံ၊ မင်းပြားနှင့် ပေါက်တောမြိုနယ်များအား၊ ဖြတ်သန်းသွားပြီး၊ နေအိမ် လမ်း တံထား အဆောက်အဦး လယ်ယာမြေ မွေးမြူရေးလုပ်ငန်း ဆားကွင်း မြောက်များစွာနှင့် အသက်ပေါင်းများစွာတို့ကို ဖျက်ဆီးပစ်ခဲ့သည်၊ ထိုကဲ့သို့အပျက်အစီးများကို တွေ့မြင်ကြားသိရသဖြင့်၊ ထိုင်းနိုင်ငံရောက် ရခိုင်ရဟန်းတော် များမှ အရေးပေါ်ကော်မတီတစ်ရပ်ဖွဲ့စည်းကာ၊ လေဘေးဒုက္ခသည်များအား အောက်ပါ အကူအညီများကို ကိုယ်စားလှယ်ရဟန်းတော်သုံးပါးကြွရောက်ကာ ကူညီပေးလျှက်ရှိပါသည်။ မြေပုံမြို့နယ် တပ်ရာကျေးရွာတွင် ပျက်စီးနေသော တာတမံပြင်လည်ပြုပြင်ရန်၊ ကျပ်ငွေ (၁၀၀၀၀၀) တစ်သိန်း။ မြေပုံမြို့နယ် ပြင်ဝန်းကျေးရွာအတွက် ကျပ်ငွေ (၁၄,၆၀၀၀၀) တစ်ဆယ့်လေးသိန်းခြောက်သောင်း တန်ဖိုးရှိ၊ ဆန်အိတ် (၁၀၀) တစ်ရာနှင့်၊ လူနေအိမ်များ ပြန်လည်ပြုပြင်ရန် ဓနိအုန်း ၉၁၀၀-ပျစ်၊ မြေပုံမြို့နယ် ကျွန်းသာယာနယ်မှ လူနာတစ်ဦးအား ဆေးကုသရန်အတွက် ကျပ်ငွေ (၅၀၀၀၀) ငါးသောင်း။ ကျောက်ဖြူမြို့ ဆားပြင်ရပ်ကွက်တွင် တစ်အိမ်ထောင်လျှင် ၂၅၀၀ ကျပ်နုန်းဖြင့်၊ အိမ်ခြေ ၄၁၂ အိမ်အတွက်၊ ကျပ်ငွေ (၁၀,၃၀၀၀၀) ဆယ်သိန်းသုံးသောင်းကို အောင်မင်္ဂလာကျောင်းဆရာတော်မှ တစ်ဆင့်လှူဒါန်း။ ပထမအသုတ်အဖြစ် ကျပ်ငွေ သိန်းသုံးဆယ်နှင့် ညီမျှသော အထက်ပါ လိုအပ်ချက်များကို လှူဒါန်းပြီးဖြစ်ပါသည်၊ စေတနာရှင်များအနေဖြင့်၊ မိမိတို့ လှူဒါန်းမှုအစုစုတို့ကို ဝမ်းမြှောက်နုမော် သာဓုခေါ်ဆိုနိုင်ရန်အတွက် ဖော်ပြပေးအပ်ပါသည်။ ယနေ့ (၉-၁၁-၂၀၁၀) နေ့တွင်လည်း နောက်ထပ်လှူဒါန်းထားသော ကျပ်ငွေ သိန်းသုံးဆယ်အား ဒုတိယ အသုတ်အဖြစ်ဖြင့် ပေးပို့လိုက်ပြီးဖြစ်ပါသည်၊ ဒုတိယအကြိမ် ထောက်ပံ့ပေးမှုများကိုလည်း ဆက်လက်တင်ပြပေးသွားမည် ဖြစ်ပါသည်။ ဓာတ်ပုံနှင့် ဗွီဒီယိုမှတ်တမ်းများကိုမူ ပြည်တွင်း အင်တာနက်ကွန်နရှင် အခက်အခဲများကြောင့်၊ မတင်ပြနိုင်သေးခြင်းကို နားလည်ပေးကြပါရန် တောင်းပန်အပ်ပါသည်။ သတင်းနှင့် ပြန်ကြားရေး ဂီရိမုန်တိုင်း လေဘေး ဒုက္ခသည်များ ကူညီထောက်ပံ့ရေး ကော်မတီ (ထိုင်း) ကုလသမဂ္ဂ OCHA မှ ထုပ်ပြန်ချက်အရ၊ အပျက်အစီးများမှာ- ငါးပုဇွန် မွေးမြူရေးကန် ဧက ၅၀,၀၀၀၊ စိုပျိုးမြေ ဧက ၁၇,၅၀၀၊ အိုးမဲ့ အိမ်မဲ့လူဦးရေ(လက်ရှိ နေစရာလုံးဝမရှိသေးသူ) ၁၀,၁၉၂၃- ဦး၊ သေဆုံးမှု ၁၅၀ ဦး၊ လက်ရှိ အကူအညီလိုအပ်နေသူများမှာ ၂၆,၀၀၀၀ ခန့်ရှိသည်ဟု အစိုးရသတင်းဋ္ဌာနများမှ ထုပ်ပြန်ခဲ့သည်။ ပျက်စီးဆုံးရှုံးမှု၏ တန်းဖိုး စုစုပေါင်း ပမာဏမှာ အမေရိကန်ဒေါ်လာ သန်း ၃၆၀ နှင့် ညီမျှသည်။
Share on Google Plus

About ရွာဦးကျောင်း ဆရာတော်

    Blogger Comment
    Facebook Comment

0 မှတ်ချက်တိ:

Post a Comment