Wednesday, April 15, 2015

လူပေါင်း(၁၆၉)ဦးတို့၏ ကယ်တင်ရှင်သားအဖ ၅-ဦးတို့အား A.S.M.A အဖွဲ့၏ HERO OF THE YEAR ဆု ရွေးချယ်ချီးမြှင့်

ရခိုင်ကျောင်းသားရဟန်းတော်များအဖွဲ့(ထိုင်းနိုင်ငံ) ARAKAN STUDENT MONKS’ ASSOCIATION (THAILAND) ၏ 2014-2015 ခုနှစ်အတွက် သူရဲကောင်း (HERO OF THE YEAR) ဆုကို ပေးအပ်ရန် လူ (၁၆၉)ဦးတို့အား အောင်တံခွန်အမှတ် ၃- သင်္ဘောနစ်မြုပ်နေစဉ် ကယ်တင်နိုင်ခဲ့သော သားအဖ ၅-ဦးတို့အား ရွေးချယ် ပေးအပ်ခဲ့ပါသည်။


A.S.M.A မှချီးမြင့်သောဆုအားပေးအပ်စဉ်

A.S.M.A မှချီးမြင့်သောဆုအားပေးအပ်စဉ်


“ဒီဆုကို ပေးအပ်ဖို့ ရွေးရှယ်ရတာက သူတို့ ၅-ဦးဟာ… 

၁။ လူပေါင်း ၁၆၉-ယောက် အသက်ဘေးက လွတ်မြောက်နိုင်ရန် ကယ်တင်စွမ်းဆောင်နိုင်ခဲ့တာနဲ့

၂။ မည်သူမျှ စေခိုင်းချက်၊ တိုက်တွန်းချက်မပါပဲ ကိုယ်ပိုင်အသိစိတ်ဖြင့် တာဝန်ယူ အကျိုးပြုနိုင်ခဲ့တာ
 တွေကြောင့် ဖြစ်ပါတယ်။” လို့ ရခိုင်ကျောင်းသား ရဟန်းတော်များ အဖွဲ့ဥက္ကဋ္ဌ ဦးပညာလင်္ကာရမှ မိန့်ကြားပါတယ်။

ဆက်လက်၍ “ဦးဇင်းတို့ရဲ့ လူ့အသိုင်းအ၀ိုင်းမှာ သူ့တို့လိုပဲ အကျိုးရှိတာတွေကို မှန်ကန်စွာ စွမ်းဆောင်နေသူတွေ ရှိကြတယ်။ သူတို့ကို စကားလုံးတွေနှင့် ဂုဏ်ပြုတာထက် အခုလိုမျိုး ထိရောက်တဲ့ နည်းတစ်ခုခုနှင့် ၀န်းရံ၊အားပေး၊ဂုဏ်ပြုဖို့လိုအပ်တယ်။ အခုဆိုရင် ပြည်နယ်အစိုးရကလည်း ဂုဏ်ပြုချီးမြှင့်ခဲ့သလို ပြည်ထောင်စုအစိုးရကလည်း ဂုဏ်ပြုဖို့ လူတွေ့စစ်ဆေး မှုတွေပြုလုပ်ခဲ့တယ်လို့ကြားသိရတဲ့အတွက် ၀မ်းမြောက်မိပါတယ်။ နိုင်ငံရဲ့ ရုပ်ပိုင်းဆိုင်ရာ၊ လူတွေရဲ့ စိတ်ပိုင်းဆိုင်ရာ ဆင်းရဲမွဲတေမှု အကျိုးဆက်ကြောင့် အောင်တံခွန် (၃)သင်္ဘော နစ်မြုပ်မှုလို ဆိုးကျိုးတွေ ရခိုင်ပြည်နယ်မှာသာမက အခြားနေရာတွေမှာလည်း ဖြစ်နိုင်ပါသေးတယ်။ ဒီလိုမျိုး ဆိုးကျိုးတွေကို နောက်ထပ်မခံစားရဖို့ စိတ်ချလုံခြုံမှုမရှိတော့တဲ့ သင်္ဘော၊ ကား၊ ရထား၊ လေယာဉ်နှင့် ကားလမ်းတွေကို တကယ်ဖြစ်လာခါမှ မဟုတ်ပဲ မဖြစ်ခင်ကတည်းက အသစ်လှဲ ကြိုတင် ပြင်ဆင်ပေးဖို့နှင့်  ပြည်သူတွေရဲ့ အသက်အိုးအိမ် စည်းစိမ်တွေကို စိတ်ချလုံခြုံအောင် လုပ်ပေးဖို့ အထူးလိုအပ်နေသေးတယ် မြင်ပါတယ်။ ” ဟု မိန့်ကြားခဲ့ပါတယ်။

သားအဖ ၅-ဦးတို့အား ဆုလက်မှတ်နှင့်အတူ ငွေ -၅သိန်း။ နောက်ထပ် ဓူဝံနာရေးကူညီမှုအသင်းသို့ ဒုက္ခသည်များအတွက် ၃-သိန်း။ စုစုပေါင်း ၈-သိန်းအား ရခိုင်ကျောင်းသားရဟန်းတော်များအဖွဲ့ A.S.M.A (ထိုင်း)မှ ပေးအပ်လှူဒါန်းခဲ့ကြသည်။


A.S.M.A မှချီးမြင့်သော Hero of the Year ဆု

A.S.M.A မှချီးမြင့်သော Hero of the Year ဆု
                                                  
                                                                                            ပြန်ကြားရေး
                                                                       A.S.M.A ရခိုင်ကျောင်းသားရဟန်းတော်များအဖွဲ့
                                                                                             15.4.2015

0 လိုအပ်ချက်များကို ရေးသားအကြံပြုခဲ့နိုင်ပါတယ်:

Post a Comment